17.04.2021 11:38:27
Qubadlıda ermənilərin qoyub qaçdığı döyüş sursatları aşkar edilib
Rasthaber xəbər verir ki, bu barədə Azərbaycan DİN-nin facebook səhifəsi məlumat yayıb.
Məlumatda deyilir:
İşğaldan azad edilmiş ərazilərdə polis əməkdaşları tərəfindən silah-sursatların aşkar edilməsi məqsədi ilə profilaktiki tədbirlər davam etdirilir.
Qubadlı Rayon Polis Şöbəsinin əməkdaşları tərəfindən keçirilmiş tədbirlər zamanı rayon ərazisindəki tərk edilmiş hərbi mövqelərdən 118 minaatan mərmisi və 181 ədəd minaatan mərmisinə məxsus partladıcılar aşkar edilərək aidiyyəti üzrə təhvil verilib.
