Sionist işğalçı qüvvələri, bu gün səhər, Fələstinin İordan çayının qərb sahilinin şimalında yerləşən Cəninin cənubundakı Ərrəbe ayrımında, avtomobildə olan 3 fələstinli sionistlər tərəfindən hədəfə alınaraq şəhid edilib.

Az.rasthaber.com "Palinfo"ya istinadən xəbər verir ki, Cəninin Təcili Yardım və Fövqəladə hallar müdiri Mahmud Əs-Sədi mətbuata verdiyi açıqlamada, şəxsiyyətləri müəyyən edilə bilməyən və cənazələri təhvil verilməyən 3 fələstinli gəncin şəhid olduğunu bildirib.

Yerli mənbələrdən verilən məlumatda bildirilib ki, işğalçı qüvvələrin böyük bir hissəsi, hədəf alınan avtomobili mühasirəyə alaraq, təcili tibbi yardım maşınlarının yaxınlaşaraq yaralı gəncə kömək etməsinə 1 saat mane olub.

Daha sonra İslami Cihad Hərəkatının hərbi qanadı olan Qüds Səriyyələrinin verdiyi açıqlamada, şəhid olan gənclərin öz şəxsi heyətləri olduğu bildirilib.

"Qüds Səriyyələri"nin verdiyi açıqlamada, şəhid edilən gənclərin 30 yaşlı Saib Əbahirə, 24 yaşlı Xəlil Tavalibə və 25 yaşlı Seyf Əbu Lubdə olduğu, bunlardan ilk ikisinin Cənin, üçüncüsünün isə, Tulkərəm vilayətindən olduğu bildirilib.

Açıqlamada həmçinin, şəhid olan gənclərin sionist işğalına qarşı müqavimət və mübarizədə fəal rol oynadıqları bildirilib.