Bu gün səhər saatlarından Qəzza zolağı sionist rejimin yeni hava və artilleriya hücumlarının şahidi olub və nəticədə ən azı 24 fələstinli şəhid olub.
Az.rasthaber.com xəbər verir ki, Qəzzadakı xəstəxana mənbələrindən verilən məlumata görə, bu hücumların qurbanlarının çoxu qadın və uşaqlardır.
Ən fəlakətli hücumlardan birində İsrail qırıcıları Deyr əl-Bələh şəhərinin “Əl-Tiyarə” meydanı ərazisində uşaqlar üçün qida əlavələri almaq üçün gözləyən insanları hədəfə alıb və nəticədə bir neçə qadın və uşaq da daxil olmaqla ən azı 13 nəfər şəhid olub.
Fələstin İnformasiya Mərkəzinin məlumatına görə, Xan Yunisdə Əl-Muvasi bölgəsi və 19-cu quyu ətrafındakı köçkünlərin çadırları da hava hücumları və top atəşinə məruz qalıb və nəticədə 6-sı uşaq olmaqla azı 10 nəfər şəhid olub.
