Soyqırım törədən İsrail ordusu Qəzza zolağında bir evi hədəfə alaraq vətəndaşları toplayıb. Hücumlarda biri qadın olmaqla 6 mülki şəxs şəhid olub, 13-ü yaralanıb.
Az.rasthaber.com xəbər verir ki, qatil İsrail ordusu Qəzza zolağının mərkəzi hissəsində yerləşən əl-Bureyc Qaçqınlar Düşərgəsindəki evi hədəfə alıb.
Fələstinli "Abdülhadi" ailəsinin evinə edilən hücumda şəhid olan 3 mülki vətəndaşın cənazələri Əqsa Şəhidləri Xəstəxanasına gətirilib.
Nusayrat Qaçqınlar Düşərgəsində yerləşən Avde Xəstəxanasının rəhbərliyi də İsrailin sözügedən evə hücumu nəticəsində yaralanan qadın və əksəriyyəti uşaq olan 13 nəfərin cansız bədəninin xəstəxanaya gəldiyini bildirib.
Hadisə şahidlərindən alınan məlumata görə, İsrail əsgərlərinin Qəzza zolağının mərkəzi hissəsindəki Deyr əl-Belah bölgəsində toplaşan bir qrup vətəndaşı hədəf alması nəticəsində 1 nəfər şəhid olub.
Qatil İsrail ordusunun Qəzzanın şimalında pilotsuz təyyarə ilə vətəndaşlara qarşı həyata keçirdiyi hücumda 1 nəfər şəhid olub.
Qəzzada Fələstin Səhiyyə Nazirliyindən verilən açıqlamada İsrailin 458 gündür Qəzza zolağında həyata keçirdiyi hücumlarla bağlı məlumat verilib.
Bildirilib ki, son 24 saatda Qəzza zolağının müxtəlif bölgələrində soyqırım törədən İsrail ordusunun həyata keçirdiyi “3 qırğın”da 48 nəfər şəhid olub, 75 nəfər yaralanıb.
Qeyd olunub ki, sionist İsrailin 2023-cü il oktyabrın 7-dən Qəzza zolağına həyata keçirdiyi hücumlarda şəhid olanların sayı 45 min 854-ə, yaralıların sayı isə 109 min 139-a yüksəlib.
Bəyanatda dağıntılar altında və yol kənarında hələ də ölənlərin olduğu, lakin İsrail qüvvələrinin maneəsi üzündən tibb qrupları və mülki müdafiə səlahiyyətlilərinin cəsədlərə çata bilmədiyi də təkrarlanıb.
