İşğalçı sionist İsrailin 246 gündür hücumlarını davam etdirdiyi Qəzzada can itkisi 36 min 801-ə yüksələrkən, İsrail ordusunun Qəzza zolağının ortasındakı Nusayrat Qaçqınlar Düşərgəsi və müxtəlif bölgələrə təşkil etdiyi hücumlarda ən azı 93 nəfər ölüb.

Az.rasthaber.com xəbər verir ki, yerli mənbələrdən alınan məlumata görə, İsrail ordusu Qəzza zolağının mərkəzi bölgəsində eyni vaxtda intensiv hücumlar həyata keçirib.

HƏMAS Hərəkatının Siyasi Bürosunun rəhbəri İsmayıl Haniyə İsrailin Nusayrat Qaçqınlar Düşərgəsinə şiddətli hücumlarından sonra "Fələstin xalqı təslim olmayacaq və müqavimət qüvvələri İsrailə qarşı fələstinlilərin hüquqlarını müdafiə etməyə davam edəcək" deyib.

Qəzzada Səhiyyə Nazirliyi tərəfindən edilən yazılı açıqlamada, Qəzzanın mərkəzi bölgəsindəki hücumlarda yaralananların Əqsa Şəhidlərinə təhvil verilməsi çağırışlarına tibb qrupları, təcili yardım sisteminin cavab verə bilmədiyi bildirilib.

Açıqlamada, Qəzzada fövqəladə vəziyyət sisteminin İsrail tərəfindən yanacaq və ehtiyat hissələrin girişini əngəlləyərək, 130 təcili yardımı hədəfə alaraq, onlarla təcili yardım maşınının hücum bölgələrinə çatmasına icazə vermədiyi üçün qəsdən pozulduğu vurğulanıb.