HƏMAS-ın hərbi qanadı İzzəddin əl-Qəssam Briqadaları Qəzza zolağının şimalında işğalçı İsrail ordusuna aid 3 tankın məhv edildiyini açıqlayıb.
Az.rasthaber.com xəbər verir ki, Qəssam Briqadaları tərəfindən edilən yazılı açıqlamada hədəf alınan tanklardan birinin Cibaliya şəhərində, ikisinin isə Mesru Beyt Lahiya bölgəsində olduğu bildirilib.
Açıqlamada Merkava tipli olduğu bildirilən tankların partlayıcı maddələr və Yasin 105 raketləri ilə məhv edildiyi qeyd edilib.
Tanklara texniki qulluq edən dəstənin əraziyə gələn kimi piyada əleyhinə sursatlarla hədəfə alındığı, ölən və yaralananların olduğu bildirilib.
Qəssam Briqadaları tərəfindən əvvəlki açıqlamada Qəzza şəhərinin şərqində qatil İsrail ordusuna aid bəzi hərbi mexanizmləri hədəfə aldıqları açıqlanmışdı.
Bəyanatda sionist İsrail ordusuna aid hərbi nəqliyyat vasitəsinin Qəzza şəhərinin şərqində Makbere Sarkiyye yaxınlığında "Yasin-105" raketi ilə vurulduğuna diqqət çəkilib.
Qeyd edilib ki, həmin bölgədə tank əleyhinə raketlər daşıyan “Hummer” tipli cip və buldozer də partlayıcılarla vurulub.
