Mərasim Bütöv Gürcüstan Müsəlmanları İdarəsi və Qardabani ruhanilərinin təşkilatçılığı ilə baş tutub.
Rasthaber xəbər verir ki, Gürcüstanın Qardabani şəhərinin “Marağa” məscidində bu gün Həzrəti Muhəmməd (s) və İmam Sadiqin (ə) mübarək mövludları münasibətilə mərasim keçirilib.
Mərasim Bütöv Gürcüstan Müsəlmanları İdarəsi və Qardabani ruhanilərinin təşkilatçılığı ilə baş tutub.
Mərasimdə Peyğəmbərin şəxsiyyəti, Quran ayələrində peyğəmbər mövzusunda çıxışlar olub.
Tədbirdə Bütöv Gürcüstan Müsəlmanları İdarəsinin şeyxi Hacı Ramin İgidov, “İman” müəssisəsinin sədri, Hacı Namiq Hüseynov, “Əl Mustafa”nın Gürcüstandakı nümayəndəsi Davud Zare, həmçinin Gürcüstandakı Sünni alimlər çıxış ediblər.
Tədbirdə həmçinin, Azərbaycan xalqının 30 ilə yaxındır torpaqlarının işğalda olması, onlara qarşı zülmlərin olunduğu, hazırda haqlı olaraq torpaqlarının işğaldan azad edilməsi istiqamətində apardığı savaşa da işarə olunub.
