Təxminən 5 aydır davam edən hücumlar və gücləndirilmiş blokada nəticəsində humanitar fəlakətin yaşandığı Qəzza zolağının müxtəlif bölgələrində İsrail ordusunun həyata keçirdiyi hücumlarda 10 fələstinli həyatını itirib.
Az.rasthaber.com xəbər verirki, Fələstinin xəbər agentliyi WAFA-nın məlumatına görə, sionist İsrail ordusunun Fələstin bölgəsindəki Nusayrat Qaçqınlar Düşərgəsinin qərbində çoxu qadın və uşaqların sığındığı köçkün fələstinlilərin evə təşkil etdiyi hücumda 5 fələstinli şəhid olub, çoxlu sayda fələstinli yaralanıb.
Sionist İsrail ordusunun Qəzza şəhərinin cənubunda Əl-Küveyt qovşağı yaxınlığında humanitar yardım gözləyən fələstinlilərə atəş açması nəticəsində 1 fələstinli şəhid olub, 9 nəfər yaralanıb.
Sionist İsrail qüvvələrinin Qəzzanın qərbindəki Nablusi qovşağı yaxınlığında fələstinliləri hədəf alması nəticəsində 4 nəfər şəhid olub, 20 nəfər yaralanıb.
Sionist İsrailin oktyabrın 7-dən Qəzza zolağına həyata keçirdiyi hücumlarda azı 13 min 430-u uşaq, 8 min 900-ü qadın olmaqla 30 min 717 fələstinli şəhid olub, 72 min 156 nəfər isə yaralanıb.
