Filmin tam versiyası 21 iyunda yayımlanacaq.

Rusiya Prezidenti Vladimir Putin ilk dəfə jurnalistlərə Kremlin birinci korpusunda yerləşən "gizli" kabinetini göstərib. Görüntülər "Rusiya 1" kanalında“Rusiya. Kreml. Putin" filmində  yayımlanıb. 

SalamNews xəbər verir ki, filmin tam versiyası 21 iyunda yayımlanacaq.

Jurnalistlərlə söhbət prezidentin az sayda iştirakçı ilə işgüzar görüşlər keçirdiyi açıq rəngli bir ofisdə başlayır. Putin qeyd edir ki, qapının arxasında daha bir neçə otaq var.

“Yemək otağı və istirahət otağı var. Ancaq sizə xəbərdarlıq edirəm, orada heç bir şey hazırlamadım, buna görə də ... iş mühitidir. Siz yəqin ki, burada ilksiniz", dövlət başçısı bildirib.