Rusiya Prezidenti Vladimir Putin Qərbə qarşı sanksiyaları 2021-ci ilin dekabrına qədər uzadıb.

Rasthaber Azərbaycan Sputnik-ə istinadla xəbər verir ki, müvafiq fərman şənbə günü RF prezidentinin rəsmi səhifəsində yerləşdirilib.

"2021-ci il yanvarın 1-dən dekabrın 31-dək Rusiya Federasiyası Prezidentinin 6 avqust 2014-cü il tarixli 560 saylı "Rusiya Federasiyasının təhlükəsizliyini təmin etmək məqsədilə, bəzi xüsusi iqtisadi tədbirlərin tətbiqi haqqında" fərmanı ilə nəzərdə tutulmuş bəzi xüsusi iqtisadi tədbirlərin müddəti uzadılsın" deyə məlumatda bildirilir.

Bundan əlavə, hökumətə səlahiyyətlərinə uyğun olaraq fərmanın icrası üçün zəruri tədbirlərin həyata keçirilməsini təmin etmək də tapşırılıb.