Pakistanda nəzarət-buraxılış məntəqəsinə terror hücumu nəticəsində 3 əsgər həlak olub, çoxlu sayda əsgər yaralanıb.

Az.rasthaber.com xəbər verir ki, Pakistanın Şimali Vəziristan bölgəsində baş verən terror aktı nəticəsində çoxlu sayda ölən və yaralanan var.

Pakistan rəsmiləri məsələ ilə bağlı aşağıdakı açıqlamaları veriblər:

"Şimali Vəziristan bölgəsində nəzarət-buraxılış məntəqəsinə terror hücumu nəticəsində ən azı 3 əsgər həlak olub, 10 əsgər yaralanıb. 

Bu terror hücumunda hücumu törədən şəxs də həlak olub".

Yerli rəsmilərin məlumatına görə, terrorçu kamikadze bu ərazidəki keçid məntəqəsinə yaxınlaşdıqdan sonra özünü partladıb.

Partlayışdan sonra dərhal hadisə yerinə sövq edilən təhlükəsizlik qüvvələri hadisənin miqyasının araşdırılması və intiharçı hücumun mümkün şəriklərinin tutulması üçün işlərə başlayıb.

Hələlik heç bir şəxs və ya qrup bu hadisəyə görə məsuliyyəti üzərinə götürməyib.