Yəmənin Ənsarullah Hərəkatının lideri Əbdülməlik əl-Husi mükəmməl zərbə vuran uzaq mənzilli raketlərə sahib olduqlarını bildirib.

Az.rasthaber.com "MEHR"ə istinadən xəbər verir ki, Yəmənin Ənsarullah Hərəkatının lideri Əbdülməlik əl-Husi mühasirədə olan Taiz şəhəri ilə bağlı açıqlama verib.

Əbdülməlik əl-Husi deyib:

"Qarşı tərəflə razılaşma olmasa belə, vətəndaşlara xidmət etmək üçün Taizə gedən yolları yenidən açmağa hazırıq".

İşğalçı Səudiyyə koalisiyasının Taiz və digər vilayətləri mühasirəyə aldığını deyən Əl-Husi, Ənsarullah Hərəkatının mühasirəyə alan tərəf olmadığını bildirib.

Hərəkatın raket gücünə toxunan Əbdülməlik əl-Husi mükəmməl zərbə vuran uzaq mənzilli raketlərə sahib olduqlarını da qeyd edib.