Zabit kursunun buraxılış mərasimində baş nazir Benyamin Netanyahu, Baş Qərargah rəisi Herzi Halevi və müdafiə naziri Yoav Gallant iştirak edib.

Az.rasthaber.com xəbər verir ki, Baş nazir Netanyahu mərasimdəki çıxışında müharibənin məqsədlərinin HƏMAS-ın aradan qaldırılması, girovların geri qaytarılması və Qəzzadan İsrailə qarşı gələcək təhlükənin aradan qaldırılması olduğunu vurğulayıb.

Netanyahu mərasimdə həmçinin deyib:

"Həmasın son qalası olan Rəfahda əməliyyat keçirəcəyik. Kim bizə orada fəaliyyət göstərməməyimizi deyirsə, müharibəni uduzmağımızı istəyirlər, belə bir şey olmayacaq".

Mərasimdə çıxış edən müdafiə naziri Yoav Gallant deyib:

"Biz müharibənin məqsədlərinə nail oluruq: HƏMAS-ın hərbi və dövlət qurumu olaraq ləğvi və bütün girovların geri qaytarılması. Bu ədalətli və mühüm müharibənin nəticələri yeni bir müharibə açacaq. İsrail Dövlətinin tarixində yeni səhifə və İsrail Dövlətinin Yaxın Şərqə qayıdışı. Dövlətimizn Yaxın Şərqdəki strateji mövqeyi, dostlarımızdan alacağımız rəftar və düşmənlərimizə qarşı yaradacağımız çəkindirmə ilə bağlı hər şeydə uzun illər davam edəcək bir prosesin başlanğıcı olacaq".

Gallant çıxışını "Bu, bizim evimiz, xalq olaraq dəyərlərimiz, düşmən ərazinin mərkəzində yəhudi və demokratik cəmiyyət olaraq mövcud olmaq hüququmuz üçün müharibədir", - deyərək yekunlaşdırıb