Səudiyyə Ərəbistanında koronavirus epidemiyasından sonra ilk dəfə Məscidül-Həram və Məscidi Nəbəvidə sosial məsafə olmadan namaz qılınıb.

Az.rasthaber.com IRNA-ya istinadən xəbər verir ki, sosial məsafə qaydasının ləğvinin açıqlanmasının ardından müsəlmanlar maska taxaraq Məscidül-Həram və Məscidi Nəbəvidə sübh namazlarını qılıb.

Qeyd edək ki, Səudiyyə Ərəbistanının Daxili İşlər Nazirliyi şənbə günü Səudiyyə Ərəbistanında koronavirusla bağlı qoyulan məhdudiyyətlərin aradan qaldırıldığını açıqlayıb.