Misirin Xarici Əlaqələr Şurasının sədri Məhəmməd Əl Ərəbi deyib ki, ölkəsinin İranla münasibətləri bərpa etmək üçün digər tərəflərin vasitəçiliyinə və ya müdaxiləsinə ehtiyacı yoxdur.

Az.rasthaber.com xəbərlər verir ki, Misir Xarici Əlaqələr Şurasının sədri Məhəmməd Əl Ərəbi “Al Alem” kanalına müsahibəsində bildirib ki, İranla təmaslar davam etsə də, açıqlamaya ehtiyac yoxdur.

Məhəmməd Əl Ərəbi bildirib ki, Misir İranla münasibətləri bərpa etmək üçün digər tərəflərin vasitəçiliyinə və ya müdaxiləsinə ehtiyac duymur.

Əl-Ərəbi bildirib:

"Tehranla münasibətlər tam şəkildə qurulacaq, lakin Misirin öz məhdudiyyətləri və qiymətləndirmələri var və bu qiymətləndirmələri dəyişdirmək üçün ona heç bir təzyiq yoxdur".

“İranla diplomatik əlaqələr kəsilməyib, lakin münasibətlərin tam bərpası xüsusi mülahizələri tələb edir”, - deyə əl-Ərabi bildirib.