Misir Rəyasət Heyətindən verilən yazılı açıqlamaya görə, prezident Əbdülfəttah əs-Sisi paytaxt Qahirədə Böyük Britaniya Parlamentinin Xarici Əlaqələr Komitəsinin nümayəndə heyəti ilə görüşdə çıxış edib.

Az.rasthaber.com xəbər verir ki, Xarici Əlaqələr Komitəsinin sədri Alisiya Kearnsın rəhbərlik etdiyi nümayəndə heyəti ilə görüşən Sisi Qəzza zolağı başda olmaqla regional məsələləri müzakirə edib.

Misir prezidenti Sisi deyib:

"Qəzzada humanitar vəziyyət atəşkəs üçün qəti həll yollarının əldə edilməsində daha çox gecikməyə dözə bilməz".

Əl-Qahera News televiziyasının məlumatına görə, Qəzza zolağında atəşkəsin müzakirəsi üçün martın 3-dən Misirin paytaxtı Qahirədə Misir, ABŞ, Qətər və HƏMAS-ın iştirakı ilə danışıqlar aparılır.