Küveytin müdafiə naziri Həmd Cabir əl-Əli və daxili işlər naziri Əhməd əl-Mənsur eyni zamanda istefa veriblər.

Az.rasthaber.com "SalamNews"-ə istinadən xəbər verir ki, müdafiə və daxili işlər nazirləri eyni zamanda istefalarını baş nazirə təqdim ediblər.

Küveytin müdafiə və daxili işlər nazirləri atdıqları addımları “parlament üzvlərinin sorğu alətindən sui-istifadə etmələrinə” etiraz olaraq əsaslandırıblar.

Qeyd edək ki, istefa verən nazirlərin hər ikisi eyni zamanda baş nazirin müavinləri hesab edilirlər.

Müdafiə naziri Həmd Cabir əl-Əli “ölkədə konstitusiyasının nəzərtə tutduğu vasitələrdən sui-istifadə edilməsinə görə dərin təəssüf hissi keçirdiyini” bildirib.

Həmd Cabir əl-Əli parlamentdə nazirlərin sorğuya cəlb edilməsini “konstitusion hüquq” kimi qiymətləndirib, lakin baş verən sui-istifadələrin onların vəfifələrini yerinə yetirməsinə maneə yaratdığını açıqlayıb.

Məlumata görə Küveytin əmiri artıq nazirlərin istefasını qəbul edib.