Sionist İsrail kəşfiyyat təşkilatı Mossad-ın keçmiş idarəçilərindən olan Rami İqra ötən gün qatıldığı televiziya proqramında mürtəce açıqlamalar verib.

Az.rasthaber.com xəbər verir ki, Ayala Hassonun sionist İsrailin ictimai yayımı Kan haqqında təqdim etdiyi xəbər proqramında keçmişdə Mossad-ın “Əsir və itkin düşmüş bölməsi”nin rəhbəri olmuş Rami İqra ilə müsahibə aparılıb.

İqra sionist İsrailin qətliamlarını "Qəzzədə dinc sakin yoxdur" iddiası ilə qanuniləşdirməyə çalışıb.

Qəzzada yaşı 4-dən yuxarı olan hər kəsin humanitar yardıma layiq olmadığını və aclıqdan ölə biləcəyini ifadə edən İqra:

"Qəzzada hər kəs iştirak edir. Hamı HƏMAS-a səs verdi. Dörd yaşından yuxarı hər kəs HƏMAS tərəfdarıdır. Bizim indiki məqsədimiz və bu sizin dediklərinizin davamıdır, onları Həmas tərəfdarlarından anti-Həmas tərəfinə çevirməkdir".

Proqramın aparıcısı Hasson İqranın dedikləri ilə razılaşaraq, 4 yaşından kiçik uşaqların ac qalmasının mümkün olmadığını, lakin İqranın dediklərinin 4 yaşdan yuxarı hər Qazanlı üçün keçərli olduğunu təsdiqləyib.

İsrail idarəçiləri, xüsusilə sionist İsrail prezidenti İshaq Hersoq və baş nazir Benyamin Netanyahu “Qəzzada heç bir günahsız insan yoxdur” iddiası ilə daha əvvəl dəfələrlə öz qırğınlarını qanuniləşdirməyə çalışıblar.