Sionist İsrailin maliyyə naziri, ifrat sağçı Bezalel Smotriç 2023-cü il oktyabrın 7-də İzzəddin əl-Qəssam briqadalarının həyata keçirdiyi hücumlarda Misiri günahlandıraraq, “Həmasın silahlanması əsasən Misirdən keçib” deyib.
Az.rasthaber.com xəbər verir ki, Smotriç, Qahirə hökumətinin reaksiyasına baxmayaraq, işğalçı İsrail ordusunun Qəzza zolağının cənubundakı Rəfah şəhərinə qarşı hücumlarına toxunaraq deyib:
"HƏMAS-ın silahlanması əsasən Misir vasitəsilə həyata keçirilib. Oktyabrın 7-də baş verənlərə görə misirlilər böyük məsuliyyət daşıyırlar".
Misir Xarici İşlər Nazirliyinin sözçüsü Əhməd Əbu Zeyd Smotriçin iddiaları ilə bağlı yazılı açıqlama verib.
"Təəssüf ki, İsrailin maliyyə naziri Smotriç məsuliyyətsiz və təxribat xarakterli bəyanatlar verməkdə davam edir ki, bu da yalnız onun qətlə yetirmək və məhv etmək aclığını ortaya qoyur və Qəzza zolağında böhrana nəzarət etmək üçün istənilən cəhdi sabotaj edir".
İddiaları rədd etdiklərini vurğulayan Əbu Zeyd deyib:
"Misir öz torpaqlarına tamamilə nəzarət edir və heç bir tərəf bu torpaqlarda Misir adına hər hansı bir cəhd edə bilməz".
Smotriç deyib: Sionist İsrailin Daxili Kəşfiyyat Təşkilatının Şin-Bet (Şabak) rəhbəri Ronan Barı danışıqlar üçün Qahirəyə göndərmək əvəzinə, hücumlardan qaçan fələstinlilərin sığındığı Rəfah şəhərinə hücum davam etdirilməlidir.
