27.07.2022 14:57:40
İslami Müqavimət Kanalı Əl-Nücəbə bildirib ki, sionist rejimin işğal olunmuş ərazilərdə fəaliyyət göstərən bir neçə böyük biznes şirkəti İraqlı haker qrupunun hücumuna məruz qalıb.
Az.rasthaber.com xəbər verir ki, İraqlı haker qrupu sionist rejimin bir neçə kommersiya saytını sındıraraq şəhid general Qasım Süleymaninin şəklini və Həşd Şaabi himnini dərc edib.
Dünən “əl-Tahirə” adlı iraqlı haker qrupu üç sionist şirkətin internet saytlarını əlçatmaz edib və birinci səhifədə Qüds qüvvələrinin komandanı, şəhid Qasım Süleymaninin şəklini, həmçinin “Haşd Şaabi” təşkilatının himnini yerləşdirib.
Sionist “Yediot Aharanot” qəzetinin internet saytı bu haker hücumunu təsdiqləyib və yazıb ki, əl-Tahirə qruplaşması bir neçə ay əvvəl sionist hava limanı təşkilatının internet saytını da sıradan çıxarıb.
Beləliklə, sionist rejimin hökumət saytları və serverləri ikinci dəfə İraqdan kiberhücumların hədəfinə çevrilib.
Keçən ay İraq media mənbələri Təl-Əviv metrosunun əməliyyat sistemlərinə, nəzarət monitorlarına və serverlərinə qarşı kütləvi kiberhücum barədə məlumat vermiş, sonra isə hücumun şəhərdaxili yüngül qatarların və aktiv metronun tikintisinə cavabdeh olan İsrail şirkətinə qarşı olduğunu bəyan etmişdi.
Bundan əvvəl isə “Sharpboys” qrupu 200 nəfərin məlumat və kredit kartlarının saxlandığı sionist turist saytlarına kiberhücum həyata keçirib.
