İsrail Qəzzanın cənubunu bombalayıb.

Az.rasthaber.com xəbər verir ki, İsrail ordusunun Qəzza zolağının cənubuna endirdiyi hava zərbələri nəticəsində azı 27 fələstinli ölüb.
Fələstinin rəsmi “Vafa” xəbər agentliyinin yaydığı məlumata görə, İsrail ordusu Qəzza zolağının şimalında bəzi ərazilərə və cənubdakı Xan Yunus və Rəfah şəhərlərinə hava zərbələri endirib.
İsrail ordusunun Rəfah şəhərində Aşur və Əbu Ziya ailələrinin evlərinə təşkil etdiyi hücumlarda azı 27 fələstinli həlak olub.
İsrail artilleriya bölmələri Qəzza şəhərinin şərqindəki Ed-Derc və Et-Tuffah məhəllələrini və Qəzza zolağının şimalındakı Cibaliya qəsəbəsini bombalayıb.