Sionist İsrail ordusunun Fitr bayramının 3-cü günü Qəzza zolağında bir evi bombalaması nəticəsində ən azı 29 fələstinli şəhid olub.
Az.rasthaber.com xəbər verir ki, Fələstinin rəsmi agentliyi WAFA-nın verdiyi xəbərə görə, İsrail ordusu Qəzza şəhərinin Sidra bölgəsindəki Ed-Derec məhəlləsində Yaffa küçəsində yerləşən fələstinli “Et-Tabatibi” ailəsinə məxsus evi bombalayıb.
İlkin məlumata görə, hücumda 29 nəfər şəhid olub, 3 nəfər yaralanıb.
Sionist İsrail ordusuna məxsus helikopterlərin Qəzza şəhərinin Zeytun, Şucaiyye və Rimal məhəllələrində ən azı 3 evi hədəf alması nəticəsində çoxlu fələstinli yaralanıb.
Qəzza zolağının mərkəzi hissələrində Nusayrat Qaçqınlar Düşərgəsinin şimal bölgələri də sionist İsrail ordusuna məxsus helikopterlərin hədəfinə çevrilib və düşərgənin şimalındakı bəzi binalar bombalanaraq dağıdılıb.
Sionist İsrail əsgərlərinin Nusayratdakı Əl-Cədid Qaçqınlar Düşərgəsindən didərgin düşmüş fələstinlilərin sığındıqları məktəbi hədəf alması nəticəsində çoxlu sayda insan yaralanıb, yaralılar Deyr əl-Belahdakı Əqsa Şəhidləri Xəstəxanasına aparılıb.
Sionist İsrail ordusunun dənizdən hədəfə aldığı Əl-Cədid Qaçqınlar Düşərgəsindəki ibtidai məktəbdən bir nəfərin və çoxlu yaralının cənazəsi çıxarılıb.
Qəzza zolağının cənubunda mülki müdafiə qrupları Xan Yunis şəhərinin Əl-Emel rayonunda çökmüş binaların dağıntıları altından 13 nəfərin çürümüş cəsədlərini çıxarıb.
Digər tərəfdən, Fələstin Səhiyyə Nazirliyinin Qəzzada verdiyi açıqlamada İsrailin 189 gündür Qəzza zolağına hücumları ilə bağlı məlumat verilib.
Bəyanatda sionist İsrail ordusunun Qəzza zolağına son 24 saatda həyata keçirdiyi hücumlarda daha 89 fələstinlinin şəhid olduğu, 120 fələstinlinin isə yaralandığı bildirilib.
Bildirilib ki, sionist İsrailin oktyabrın 7-dən Qəzza zolağına həyata keçirdiyi hücumlarda şəhid olanların sayı 33 min 634-ə, yaralıların sayı isə 76 min 214-ə yüksəlib.
Açıqlamada dağıntılar altında və yol kənarında hələ də ölənlərin olduğu bir daha vurğulanıb, lakin İsrail qüvvələrinin maneələri üzündən tibb qrupları və mülki müdafiə səlahiyyətliləri cəsədlərə çata bilməyib.
