İşğal altında olan İordan çayının qərbində İsrail qüvvələri fələstinli gənclərin olduğu maşına atış açıblar. İki nəfər ölüb.

Az.rasthaber.com SalamNews-a istinadən xəbər verir ki, bu gün sübh Ramallahın şimalında yerləşən Jalzun qaçqın düşərgəsində İsrail qüvvələri fələstinli gənclərin olduğu maşına atış açıblar.

Bu hadisə zamanı iki fələstinli gənc həlak olub və daha ikisi yaralanıb.

İsrail gənclərin hücuma keçdiklərini iddia edib.

Qeyd edək ki, Ramallah da daxil olmaqla İordan çayının qərb sahili 1967-ci ildən İsrailin işğalındadır. İsrail qüvvələri işğal edilmiş bölgələrdə 300-ə yaxın yəhudi yaşayış massivi salıb.