İsrail hərbçilərinin işğal altındakı İordan çayının qərb sahilində Nablus şəhərinə təşkil etdiyi basqında ilk məlumatlara görə 2 fələstinli həyatını itirib, 36 nəfər isə yaralanıb.

Az.rasthaber.com xəbər verir ki, şahidlərin sözlərinə görə, İsrail qüvvələri İordan çayının qərb sahilinin şimalında yerləşən Nablus şəhərinə bir neçə girişdən basqın edib.

Belde əl-Kadime bölgəsində  evlərdən birini mühasirəyə alan İsrail qüvvəhlərilə bölgə sakinləri arasında baş verən insidentdə silah və partlayış səsləri eşidilib.

Fələstin Səhiyyə Nazirliyinin mənbələri basqın zamanı 2 fələstinlinin həyatını itirdiyini, 5-i ağır olmaqla 36 nəfərin yaralandığını bildirib.

İsrail ordusundan verilən qısa açıqlamada isə, “Hazırda təhlükəsizlik qüvvələri Nablus şəhərində fəaliyyət göstərir, ətraflı məlumat daha sonra veriləcək" deyilib. 

İsrail radiosunda isə Fələstin tərəfində yaralıların olduğu məlumatı paylaşılıb.