İsrail qüvvələri bu gün İordan çayının Qərb sahili bölgələrində həyata keçirdiyi basqınlar zamanı azı 20 fələstinlini həbs ediblər. Qarşıdurmalarda yaralananlar var.

Az.rasthaber.com SalamNews-a istinadən xəbər verir ki, İsrail qüvvələri bu gün Ramallahda, Cenin və Nablusda azı 20 fələstinlini həbs ediblər.

Cenində iki fələstinli qarşıdurma zamanı odlu silahdan açılan atəş nəticəsində yaralanıb.

Ən çox həbslər Ər-Ram və Qabatiya qəsəbələrində qeydə alınıb. Burada həbs edilənlər arasında 13 yaşlı Amir Sabbah adlı fələstinli uşaq da var.

Qeyd edək ki, İsrail İordan çayının Qərb sahilini 1967-ci ildə işğal edib.