İşğal altındakı İordan çayının qərb sahilindəki Cenin və Akbet Cebr qaçqın düşərgələrinə basqınlar zamanı İsrail hərbçiləri tərəfindən öldürülən fələstinlilərin sayı 5-ə yüksəlib.

Az.rasthaber.com xəbər verir ki, Fələstinin rəsmi WAFA xəbər agentliyinin yaydığı məlumata görə, İsrail qüvvələrinin dünən axşam saatlarında Cenin qaçqın düşərgəsinə etdiyi basqın zamanı baş verən qarşıdurmada yaralanan daha bir nəfər həyatını itirib.

Fələstin Səhiyyə Nazirliyindən daha əvvəl verilən bəyanatda İsrail qüvvələrinin Cenin qaçqın düşərgəsinə etdiyi basqın zamanı 3 fələstinlinin öldüyünü, 30 fələstinlinin də yaralandığını bildirilmişdi.

WAFA-nın məlumatına görə, İordan çayının qərb sahilinin şərqindəki Eriha şəhəri yaxınlığında yerləşən Akbet Cebr qaçqın düşərgəsinə İsrail qüvvələri tərəfindən edilən basqın zamanı yaralanan daha bir fələstinli də həyatını itirib.

Bölgədəki şahidlər Akabet Cəbr qaçqın düşərgəsinə basqının qarşısını almağa çalışan fələstinlilərlə İsrail qüvvələri arasında şiddətli qarşıdurmaların yaşandığını bildirib.

İsrail hakimiyyəti Akabet Cebr qaçqın düşərgəsinə edilən basqınla bağlı açıqlama verməyib.