İsrail qüvvələri İordan çayının Qərb sahilində yerləşən Cənin şəhərində 3 fələstinlini qətlə yetirib.

Az.rasthaber.com AA-ya istinadən xəbər verir ki, şahidlərin sözlərinə görə, İsrail qüvvələri Cəninin Cəba rayonunda reyd keçirib və evlərin damlarına snayperlər yerləşdirilib.

İsrail qüvvələri içərisində gənc fələstinlilərin olduğu avtomobillərdən birini atəş tutub.

Fələstin Səhiyyə Nazirliyi 3 fələstinlinin odlu silah yaralı nəticəsində həyatını itirdiyini təsdiq edib.

Bundan sonra isə İsrail qüvvələri ilə fələstinlilər arasında toqquşmalar baş verib.

Bundan başqa, Cənin yaxınlığındakı əl-Yəumin rayonunda da 1 fələstinli başından yaralanıb. Həkimlər onun vəziyyətini stabil kimi qiymətləndiriblər.

Fələstin Xarici İşlər Nazirliyi Cənində fələstinlilərin qətlə yetirilməsini qəti şəkildə pisləyib.

Qeyd edilib ki, ikili standartların və zəif beynəlxalq reaksiyanın fonunda Fələstin tərəfinin sakitlik çağırışlarına İsrail tərəfindən qətllər və eskalasiya ilə cavab verilir.