Sionist İsrail ordusunun Qəzza zolağında didərgin düşmüş mülki əhalinin sığındığı məktəbə artilleriya atəşi ilə həyata keçirdiyi hücumda şəhidlərin və yaralananların olduğu bildirilib.

Az.rasthaber.com xəbər verir ki, Qəzzada Mülki Müdafiə Birliyinin verdiyi yazılı açıqlamada, sionist İsrail ordusunun Qəzza zolağının mərkəzi hissəsindəki Nuseyrat Qaçqınlar Düşərgəsində çoxlu mülki vətəndaşın sığındığı məktəbə hücum etdiyi bildirilib.

Açıqlamada bildirilib ki, sionist İsrail Nuseyrat Qaçqınlar Düşərgəsindəki ibtidai məktəbi top atəşi ilə hədəfə aldıqdan sonra bölgədəki mülki müdafiə qruplarına onlarla yardım çağırışı gəlib.

Əksəriyyəti qadın və uşaqlardan ibarət köçkün vətəndaşların sığındığı məktəbdə şəhid və yaralıların olduğu bildirilib.

Bəyanatda sionist İsrailin hücumları təhlükəsi səbəbindən mülki müdafiə qruplarının sözügedən məktəbdəki şəhid və yaralılara çata bilmədiyi bildirilib.

Bölgədəki yaralıların çıxarılması üçün BMT və Beynəlxalq Qızıl Xaç Komitəsinə müraciət edilib.