İsrailin hərbi təyyarələri mühasirə altındakı Qəzza sektoruna zərbələr endirib.

Az.rasthaber.com xəbər verir ki, bu barədə İsrail ordusundan məlumat verilib.

Xatırladaq ki, ötən gün İsrail qüvvələri İordan çayının Qərb sahilindəki Nablus şəhərində 1-i uşaq olmaqla, 11 fələstinlini qətlə yetirib, həmçinin 100-dən çox fələstinli yaralanıb, onlardan da 6-nın vəziyyəti ağırdır və bundan sonra bölgədəki vəziyyət gərginləşib.

Fələstin Səhiyyə Nazirliyindən bildirilib ki, 2023-cü ilin əvvəlindən bəri İsrail qüvvələri tərəfindən qətlə yetirilən fələstinlilərin sayı 63-ə çatıb.