İsrailin istefada olan general-mayoru Yitzhak Brik Haaretz qəzetinə “Ordu və onun şərhçilərində bir qədər təvazökarlıq yoxdur” başlıqlı məqalə yazıb.
Az.rasthaber.com xəbər verir ki, sionist İsrailin Qəzzaya hücumları ilə bağlı verilən məlumatların həqiqətə uyğun olmadığını bildirən Brik deyib: “Əvvəldən Qəzza zolağında döyüşən komandir və əsgərlərdən aldığım məlumatdan belə nəticələr çıxır: İsrail ordusunun sözçüsü və televiziya kanallarında hərbi şərhçilər HƏMAS ilə İsrail qüvvələri arasında gedən müharibə ilə bağlı yalan məlumat verirlər".
"İsrail qüvvələrinin qurudan hücumları nəticəsində Qəssam Briqadalarından ölənlərin sayı xeyli azdır. Ordu Qəzzada HƏMAS-ın ölümləri ilə bağlı yanlış rəqəmlər verir". Toqquşmaların çoxunun üzbəüz baş vermədiyini yazan Brik, “Ölən və yaralananların əksəriyyətinin bomba və tank əleyhinə raketlərlə müqavimətin hədəfinə aldığı İsrail qüvvələrinin olduğunu” qeyd edib.
Brik, Qəssam Briqadaları üzvlərinin tunellərdən çıxdığını, İsrail ordusunun maşınlarına partlayıcı yerləşdirdiyini və ya tank əleyhinə raketlərlə hədəf aldığını və tunellərə qayıtdığını paylaşıb. İsrail ordusunun daha çox tunellərdə gizlənən Qəssam Briqadası qarşı mübarizədə "tez həll yolu" tapa bilmədiklərinə diqqət çəkərək, "Aydındır ki, İsrail Ordusunun sözçüsü və İsrailin təhlükəsizliyindən məsul olan rəsmilər mənzərə aydınlaşana qədər müharibəni böyük bir qələbə kimi təqdim etməyə çalışırlar”, - şərh etdi.
Keçmiş İsrail generalı Brik deyib:
“Həmasın silahlı qanadı İzzəddin əl-Qəssam Briqadalarına aid tunellərin məhv edilməsinin uzun illər çəkəcəyini” irəli sürərək deyib:
“İsrail ordusu yeraltı müharibə planlaşdırmır, həll yollarını improvizə etməyə çalışır, lakin təsirli bir həll yolu təqdim edə bilmir".
