Sionist İsrail qüvvələrinin basqını zamanı Nasser xəstəxanasında olan 2 min fələstinlinin taleyi məlum deyil. Xəstəxanadakı kütləvi məzarlıqlardan çıxarılan cəsədlərin əlləri qandallı olduğu bildirilib.

Az.rasthaber.com xəbər verir ki, hökumətin Qəzzadakı Media Ofisi Nasir Xəstəxanası kompleksindəki mülki müdafiə qruplarının dördüncü gündür ki, kütləvi məzarlıqdan cəsədlərin çıxarılması üçün səylərini davam etdirdiyini açıqlayıb.

Açıqlamada cümə günündən bu yana ümumilikdə 283 fələstinlinin cəsədinin tapıldığı, 73 nəfərin bu gün kütləvi məzarlıqdan çıxarıldığı bildirilib.

Kütləvi məzarlıqdan çıxarılan 42 nəfərin şəxsiyyətinin müəyyən edildiyi bildirilən açıqlamada İsrail ordusunun şəhidlərinin cənazələrini qumun çox dərinliklərində basdırdığı və üzərlərinə zibil boşaltdığı diqqətə çatdırılıb.

Bəyanatda qeyd olunub ki, sionist İsrail əsgərlərinin basqın zamanı Nasir xəstəxanası kompleksində olan təxminən 2 min nəfərin taleyi məlum deyil və onların öldürülüb və ya saxlanılması barədə məlumat yoxdur.

Media İdarəsinin açıqlamasında meyitlərdən bəzilərinin, o cümlədən qadın və qocaların əlləri qandallı, paltarları çıxarılaraq soyuqqanlı şəkildə şəhid edildiyi bildirilib.