Rusiya xarici işlər naziri Sergey Lavrov və Fələstinin İslami Müqavimət Hərəkatının (HƏMAS) siyasi bürosunun sədri İsmayıl Haniyə arasında danışıqlar baş tutub.

Az.rasthaber.com xəbər verir ki, onlar Fələstin-İsrail münaqişəsi zonasındakı vəziyyəti və Qüds şəhərində yerləşən əl-Əqsa məscidi ətrafındakı gərginliyi müzakirə ediblər.

Müqəddəs məkanların status-kvosunun pozulmasının qeyri-məqbulluğu, vəziyyətin daha da gərginləşməsinə yol verilməməsinin zəruriliyi qeyd edilib.

Həmçinin “Fələstinin Azadlığı Təşkilatı” siyasi platformasında, o cümlədən də Rusiya diplomatiyasının vasitəçiliyi ilə Fələstindaxili birliyin tezliklə bərpası məqsədi də konkret olaraq gözdən keçirilib.