İraq Ordusunun anti-terror əməliyyatları davam edir

Rasthaber Azərbaycan Türkiyə mediasına istinadən xəbər verir ki, İŞİD terror qruplaşmasının  İraq üzrə liderlərindən birinin öldürüldüyü bildirilib.
İraq Terrorla Mübarizə Birliyindən edilən yazılı açıqlamada həyata keçirilən əməliyyatda İŞİD-in İraqdakı dırnaqarası lideri və təşkilat başçısının müavini Mutaz əl-Cuburinin öldürüldüyü qeyd olunub.
Açıqlamada Cuburinin Suriyanın Deyrizor bölgəsinin ərazilərində beynəlxalq koalisiya qüvvələrinə aid döyüş təyyarələrinin keçirdiyi əməliyyatda öldürüldüyü bildirilib.
İraq mərkəzi hökuməti mayın 20-də öldürülən İŞİD başçısı Əbubəkir Bağdadinin varisi olan Abdulnasır Kardaşın həbs olunduğunu açıqlayıb.
Bağdadi 27 oktyabr 2019-cu ildə ABŞ tərəfindən edilən bir əməliyyat zamanı Suriyanın İdlib vilayəti ərazilərində öldürülüb.