İşğal altındakı Qüdsdə partlayış baş verib.
Az.rasthaber.com xəbər verir ki, Fələstin xəbər mənbələri işğal altındakı Qüdsün şimal-qərbindəki “Vadi Saqiya” məhəlləsində şiddətli partlayış baş verdiyini bildirib.
Hələlik itkilər barədə məlumat yoxdur.
Digər tərəfdən, işğalçı qüvvələrin dəstəklədiyi bir qrup sionist mühacirlər cümə günü axşam saatlarında, Hebronun cənubundakı Zenuta kəndinə basqın edərək, kəndlilərlə toqquşub və iki fələstinlini yaralayıblar. Zenuta kəndinin sakinləri öz müqavimətləri ilə sionist köçkünlərin kəndə daxil olmasının qarşısını ala biliblər.
Bu arada, irqçi İsrail qüvvələri Ramallah şəhərinin qərbindəki Nalin qəsəbəsinin girişində çox sayda fələstinlinin evlərinə basqın edərkən, fələstinli gənclərin müqaviməti ilə qarşılaşıb.
Son aylarda sionist əsgərlər və fanatik sionist mühacirlərin fələstinlilərə qarşı qətliamları müxtəlif ölçülərdə, nəzərəçarpacaq dərəcədə artıb və nəticədə onlarla fələstinli həlak olub, yüzlərlə insan yaralanıb.
