İraqın bağladığı Mehran sərhəd qapısı yenidən açılıb.

Az.rasthaber.com xəbər verir ki, İlam valisi Həsən Bəhramniyə İraqın Vasit vilayətinə səfəri çərçivəsində İran-İraq Sərhəd Ticarət Birgə Komitəsinin iclasında iştirak edib.

İlam valisi Bəhramniyə ilə Vasit valisi Məhəmməd Cəmil əl-Miyahi arasında aparılan diplomatik məsləhətləşmələrdən sonra İraqın bağladığı Mehran sərhəd qapısı yenidən açılıb.

İranın İlam əyalətində yerləşən Mehran sərhəd şəhəri İraqa ixrac və bu ölkədəki müqəddəs yerləri ziyarət etmək istəyən ziyarətçilərin tez-tez istifadə etdiyi ən mühüm sərhəd qapılarından biri hesab olunur.