Kataib Hizbullah İraq və Suriyada ABŞ qüvvələrinə qarşı əməliyyatları dayandırdıqlarını açıqlayıb.

Az.rasthaber.com xəbər verir ki, İraq mətbuatının verdiyi xəbərə görə, Kataib Hizbullahın (Hizbullah Briqadaları) baş katibi Əbu Hüseyn əl-Himeydavi yazılı açıqlama verib.

Bəyanatda o, Hizbullah Briqadalarının Qəzza zolağında fələstinlilərə dəstək vermək qərarına gəldiyini və heç bir tərəfin müdaxiləsi olmadan hücumlara keçdiyini bildirib və əlavə edib:

"Bizim dostlarımız, xüsusən də İran İslam Respublikası İraq və Suriyada ABŞ-ın işğalçı qüvvələrinə qarşı başlatdığımız təzyiqlərə qarşı çıxdılar".

İraqın baş naziri Məhəmməd Şiə Sudanini çətin vəziyyətdə qoymamaq üçün hərbi əməliyyatların dayandırılmasına qərar verildiyini açıqlayan əl-Himeydavi bildirib:

"Qəzzadakı xalqımızı digər hallarda müdafiə etməyə davam edəcəyimizi elan edərkən, Hizbullah Briqadalarının üzvlərini ABŞ-ın mümkün düşmən hərəkətlərinə qarşı passiv müdafiə etməyə çağırırıq".