İraqın paytaxtı Bağdadda həyata keçirilən hərbi əməliyyat çərçivəsində İŞİD terror təşkilatının üç komandiri ələ keçirilib.

Az.rasthaber.com SalamNews-a istinadən xəbər verir ki, bu barədə İraqın kəşfiyyat mənbələri məlumat veriblər.

Bildirilib ki, həftələr çəkən istintaq və əməliyyat axtarışları nəticəsində İŞİD terror təşkilatının üç bariz üzvü ələ keçib.

İŞİD terror təşkilatının “əl-Furat və əl-Birkə bölgələri”nin aparıcı üzvləri olan “Əbu-Şəhd”, “Əbu-Sarə” və “Əbu-Yaqub” ləqəbli terrorçular ələ keçirilərək aidiyyatı məhkəmə orqanlarına təhvil veriliblər.

Terrorçuların İraqdan əlavə Suriyada terror hücumları üzə çıxıb.