İraq ordusu İŞİD terror təşkilatına qarşı əməliyyatlarını davam etdirərək təşkilatın müxtəlif bölgələrdəki mövqelərini hədəfə alıb.

Az.rasthaber.com xəbər verir ki, İraqın qərbində yerləşən Ənbar vilayətində həyata keçirilən əməliyyatlar çərçivəsində Həşd əş-Şabi qüvvələri terrorçulara məxsus 11 tuneli məhv edib.

Mehr Xəbər Agentliyinin məlumatına görə, İraq rəsmisi əməliyyatların təfərrüatları ilə bağlı verdiyi açıqlamada, Rave, Rutba və Əl-Qaim bölgələrində terrorçu ünsürlərin aşkar edilərək məhv edilməsi üçün gərgin iş aparıldığını bildirib.

Xüsusilə İŞİD-in yatmış hüceyrələrinin yenidən aktivləşməsi təhlükəsinə qarşı əməliyyatların böyük əhəmiyyət kəsb etdiyi bildirilib.

Digər tərəfdən, Suriyada vətəndaş müharibəsinin dərinləşməsi və Əsəd hökumətinin süqutu ilə İraq hakimiyyəti İŞİD-in yatmış hücrələrinin yenidən aktivləşərək İraqda terror aktları törədəcəyindən narahatdır.