İran prezidenti İbrahim Rəisi və Türkmənistan prezidenti Serdar Berdiməhəmmədovun iştirakı ilə 9 saziş, əməkdaşlıq protokolu və anlaşma memorandumu imzalanıb.

Az.rasthaber.com MEHR-ə istinadən xəbər verir ki, İran prezidenti Rəisi və Türkmənistan lideri Berdiməhəmmədovun iştirakı ilə baş tutan təkbətək və nümayəndə heyətlərinin görüşlərindən sonra, Saadabad sarayında iki ölkə arasında müqavilələrin imzalanma mərasimi keçirilib.

Mərasim zamanı iki ölkə arasında əlaqələrin möhkəmləndirilməsi çərçivəsində iqtisadiyyat, ticarət, televiziya və radio yayımı sahəsində əməkdaşlıq, mədəniyyət, investisiya, tranzit və nəqliyyat sahələrində 9 saziş, əməkdaşlıq protokolu və anlaşma memorandumu imzalanıb.

Qeyd edək ki, Türkmənistan prezidenti Serdar Berdiməhəmmədov iki günlük rəsmi səfər üçün dünən axşam Tehrana gəlib. Berdiməhəmmədovu Tehran səfərində böyük bir nümayəndə heyəti müşayiət edir.