İranın xarici işlər naziri Hüseyn Əmir Abdullahiyanın rəsmi təmaslar üçün Pakistanın paytaxtı İslamabada getdiyi bildirilib.

Az.rasthaber.com xəbər verir ki, İranın Xarici işlər naziri Hüseyn Əmir Abdullahiyan pakistanlı həmkarı Bilaval Bhutto Zardarinin dəvəti ilə İslamabada gedib.

İran Xarici İşlər Nazirliyinin sözçüsü Nasir Kənani mövzu ilə bağlı açıqlama vermişdi:

"Xarici işlər naziri Əmir Abdullahiyan pakistanlı həmkarı Bilavel Bhutto Zardarinin dəvəti ilə tezliklə Pakistana səfər edəcək. Nazir Əmir Abdullahiyanın səfəri öncəsi hazırlıq görülür.

Bu səfər zamanı Pakistan tərəfi ilə siyasi, iqtisadi və ticari məsələlər müzakirə olunacaq. Xarici işlər nazirini bu səfərdə yüksək səviyyəli iqtisadi nümayəndə heyəti müşayiət edəcək.".