İran Xarici İşlər Nazirliyinin mətbuat katibi Səid Xətibzadə, BMT-nin (BMT) tövsiyəsi ilə Yəməndə başlayan iki aylıq atəşkəslə bağlı açıqlama verib.

Az.rasthaber.com "Tasnim"ə istinadən xəbər verir ki, Səid Xətibzadə bildirib ki, Tehran BMT-nin tövsiyəsi ilə Yəməndə başlayan iki aylıq atəşkəs rejimini alqışlayır.

Qida və yanacaq daşıyan gəmilərin ölkəyə daxil olmasını və Səna hava limanının qismən açılmasını müsbət qarşıladıqlarını bildirən Xətibzadə deyib: 

"Ümid edirəm ki, bu təşəbbüs Yəmən böhranının siyasi həllini tapmaq üçün mühasirənin tamamilə aradan qaldırılması və daimi atəşkəsin yaradılması üçün müqəddimə olacaq".

İranın Yəməndə siyasi və humanitar həll yolunu dəstəklədiyini ifadə edən Xətibzadə, daha sonra bildirib:

"Ümid edirik ki, müqəddəs Ramazan ayı ərəfəsində atəşkəs davam edəcək, humanitar şərait yaxşılaşacaq, humanitar məsələlərə üstünlük verilməklə əsir mübadiləsi aparılacaq".