İranın Kəşfiyyat Nazirliyi Şirazda ziyarətgahda törədilən terrorla bağlı 26 əcnəbi İŞİD terrorçusunun həbs edildiyini açıqlayıb.

Az.rasthaber.com xəbər verir ki, İranın Kəşfiyyat Nazirliyindən verilən açıqlamada, Şiraz qətliamı ilə bağlı, xarici ölkə vətəndaşı olan 26 İŞİD terrorçusunun həbs edildiyi bildirilib.

Açıqlamada həbs edilənlərin Azərbaycan, Tacikistan və Əfqanıstandan olduğu bildirilib.

"Sözügedən terrorçular Fars, Tehran, Əlborz, Kirman, Qum və Rəzəvi Xorasan vilayətlərində yaxalanıb. Bəziləri isə şərq sərhədlərindən qaçarkən yaxalanıb", - açıqlamada bildirilib.

Xatırladaq ki, oktyabrın 26-da Şirazda Şahçeraq ziyarətgahına silahlı basqın nəticəsində 15 nəfər şəhid olub, çoxlu sayda insan yaralanıb.