İranın Kirmanşah əyalətində yerləşən hərbi bazada yanğın baş verib.

Az.rasthaber.com "ParsToday"-ə istinadən xəbər verir ki, bu barədə İran İslam İnqilabı Keşikçiləri Ordusundan (Sepah) məlumat verilib.

Hadisə bu gün Sepahın Kirmanşahdakı bazalarından birində motor yağı və tezalışan materialların saxlanıldığı anbarda baş verib.

Yanğın tez bir zamanda söndürülüb.

İnsident nəticəsində heç kəs xəsarət almayıb.

Hadisənin baş vermə səbəblər müəyyənləşdirilir.