Səudiyyə Ərəbistanı və İran diplomatlarının İraqın paytaxtı Bağdadda görüşəcəyi bildirilib.

Az.rasthaber.com MEHR-ə istinadən xəbər verir ki, Rusiyanın "Russia Today" (RT) telekanalının ərəb xidmətinə danışan İraq hökumətindəki mənbə, Səudiyyə və İran diplomatları arasında İraqda yeni görüşün keçiriləcəyini açıqlayıb.

"Əvvəllər Bağdadda aparılan danışıqlar təhlükəsizlik və kəşfiyyat səviyyəsində aparılıb, lakin danışıqların növbəti raundu diplomatik səviyyədə olacaq", - iraqlı mənbə bildirib.

İranın Xarici İşlər Nazirliyinin sabiq sözçüsü Səid Xətibzadə keçirdiyi son mətbuat konfransında, İraqın baş naziri Mustafa Kaziminin Tehrana səfərinə toxunaraq, İraqın İran-Səudiyyə Ərəbistanı dialoqunda mühüm rol oynadığını bildirmişdi.