İran və Pakistan Hərbi Dəniz Qüvvələri Hörmüz boğazında və Fars körfəzində birgə təlimlər keçirib.

Az.rasthaber.org xəbər verir ki, Pakistan Sülh və Dostluq Donanması Qrupu təhsil sahəsində qarşılıqlı fəaliyyət və hərbi əlaqələrin səviyyəsini yüksəltmək, eləcə də Pakistan komandirlərinin İran donanması rəsmiləri ilə görüşü üçün 3 gün Bəndər Abbas limanında lövbər salıb və Hörmüz boğazında və Fars körfəzində İran Hərbi Dəniz Qüvvələri ilə birgə dəniz təlimləri keçirib.

Bu tədris təlimində hərbi-dəniz taktiki manevrləri, telekommunikasiya dövrələrinin idarəetmə əməliyyatları, dənizdə fövqəladə hallar zamanı xəbərlərin göndərilməsi və qəbulu, taktiki birləşmələrin formalaşdırılması, dənizdə bayraq və siqnallarla rabitə təlimləri icra edilib.