İraq mediası Tehran və Bağdad arasında Kərbəla vilayətində təhlükəsizlik toplantısının keçirildiyini açıqlayıb.

Az.rasthaber.com xəbər verir ki, Kərbəla vilayətinin polis qərargahında İraqın daxili işlər naziri Əbdül Əmir Əl-Şəmmarinin iştirakı ilə İran və İraq rəsmiləri arasında təhlükəsizlik iclası keçirilib.

Görüşdə Ərbəin ziyarətçiləri ilə bağlı məsələlər müzakirə edilib.

"Ziyarətçilərin təhlükəsizliyini təmin etmək üçün pilotsuz uçuş aparatlarından da istifadə olunacaq”, - deyə İraqın daxili işlər naziri bildirib.

Ötən həftə İran Sərhəd Mühafizəsinin komandanı briqada generalı Əhməd Əli Quderzi ilə İraq Sərhəd Mühafizəsinin komandanı general-leytenant Həmid Abdullah İbrahim arasında sərhəd təhlükəsizliyi müqaviləsi imzalanıb.