BMT Baş Assambleyasında iştirak etmək üçün Nyu Yorka səfər edən İran prezidenti İbrahim Rəisi İraqın baş naziri Məhəmməd Şia əl-Sudani ilə görüşüb.

Az.rasthaber.com xəbər verir ki, görüş zamanı liderlər İran-İraq münasibətləri ilə yanaşı, iki ölkənin müxtəlif sahələrdə əməkdaşlığını dəyərləndiriblər.

Baş Assambleya bu il “etibarın bərpası və qlobal həmrəyliyin canlandırılması” mövzusu ilə keçirilir.

BMT-nin Baş katibi Antonio Quterreş dünən Nyu-Yorkda keçirilən BMT Baş Assambleyasının 78-ci sessiyasının açılış nitqi ilə çıxış edib.

Sentyabrın 26-da başa çatacaq görüşlərə 193 ölkənin dövlət və hökumət başçıları, nazirlər və nümayəndə heyətləri qatılıb.