“ABŞ Vyanada nüvə sazişinin bərpası ilə bağlı aparılan danışıqların uzanmasının birbaşa səbəbkarıdır...Biz Vyanada yaxşı və daimi razılaşmaya hazırıq.”

Az.rasthaber.com SalamNews-a istinadla xəbər verir ki, bunu İranın xarici işlər naziri Hüseyn Əmir-Abdullahiyan deyib.

Ötən gün Oman Sultanlığının XİN rəhbəri Bədr bin Həmd əl-Busəidi ilə telefon danışığında olan H.Əmir-Abdullahiyan qarşılıqlı əlaqələri və nüvə danışıqları kimi bir sıra region məsələlərini müzakirə edib.

İran XİN rəhbəri bildirib ki, Vyanada nüvə razılaşmasının bərpası üçün aparılan dialoqun uzanmasının birbaşa səbəbkarı ABŞ-dır.

Nüvə danışıqları ilə eyni zamanda ABŞ tərəfindən İrana sanksiyaların tətbiqini təndiq edən iranlı nazir deyib:

“İran İslam Respublikası yaxşı və daimi bir razılaşmaya hazırdır. Amma ABŞ tərəfi bəzi əlavə məsələləri tələb etməklə danışıqların birbaşa səbəkarıdır.”

Tərəflər eyni zamanda Yəməndə atəşkəsin elan edilməsini alqışlayıblar.