İran Xarici İşlər Nazirliyinin sözçüsü Nasir Kənani deyib ki, “İsrailin heç bir beynəlxalq təşkilata üzv olmaq hüququ yoxdur”.
Az.rasthaber.com xəbər verir ki, İran Xarici İşlər Nazirliyinin sözçüsü Nasir Kənani sosial media hesabında İsrailin Qəzzada beynəlxalq təşkilatlara hücumlarına reaksiya verib.
Kənani paylaşımında belə qeyd edib:
“Birləşmiş Millətlər Təşkilatının Yaxın Şərqdəki Fələstinli Qaçqınlara Yardım Agentliyi (UNRWA) İsrailin 5 aydan artıqdır ki, hücumlarını davam etdirdiyi Qəzza zolağında və 400-ə yaxın hərbi mərkəzdə 165 əməkdaşının həyatını itirdiyini açıqlayıb.
Beynəlxalq humanitar təşkilatlara və onların əməkdaşlarının həyatına belə dəyər verməyən, son 5 ayda 9 minə yaxın qadın və 12 min 500 uşağı qətlə yetirən bir rejimin heç bir hüquq müdafiə təşkilatına üzv olmağa haqqı yoxdur”.
