İran İslam İnqilabı Keşikçiləri Korpusu (Sepah) Fars körfəzi və Hörmüz boğazında hərbi dəniz təlimləri keçirəcək.

Az.rasthaber.com “mehrnews”ə istinadən xəbər verir ki, bu barədə Sepah komandanı kontr-admiral Əlirza Təngsiri bildirib.

O deyib ki, bu təlim qonşu ölkərə qarşı deyil.

Təngsiri qeyd edib ki, bu, kənar güclərə qarşı güc nümayişidir və burada Sepahın hərbi-dəniz donanmasının imkanlarının kiçik bir hissəsi istifadə ediləcək.

Əlavə edilib ki, təlimlər hərbi-dəniz qüvvələrinin istənilən qeyri-regional güclərin aqressiyasına qarşı mübarizəyə hazırlıq səviyyəsini artıracaq.

“Təlimlər bizim regionda təhlükəsizliyi təmin etmək qabiliyyətimizi nümayiş etdirir”, – deyəl o vurğulayıb.

Xatırladaq ki, bu yaxınlar İran yeraltı hərbi dəniz anbarının təqdimatını həyata keçirib.